Rajkot: દેરડી ગામે પ્લાસ્ટિક એકત્રીકરણ સહ સ્વચ્છતા અભિયાન હાથ ધરાયું
તા.૨૫/૫/૨૦૨૫
વાત્સલ્યમ્ સમાચાર
કાપડ- કાગળ જેવા જમીનમાં ભળી જતા વિકલ્પોનો ઉપયોગ કરવા અપીલ કરાઈ
Rajkot: સમગ્ર જિલ્લામાં પર્યાવરણને સ્વચ્છ અને પ્લાસ્ટિક મુક્ત બનાવવા માટે વિશેષ અભિયાન હાથ ધરાયું છે. વિશ્વ પર્યાવરણ દિન નિમિત્તે યોજાયેલા અભિયાન અંતર્ગત રાજકોટ જિલ્લાના ગોંડલ તાલુકાના દેરડી કુંભાજી ગામે આંગણવાડી બસ સ્ટેન્ડ અને આરોગ્ય કેન્દ્ર ખાતે આરોગ્ય કર્મીઓ, આંગણવાડી બહેનો અને ગ્રામજનો દ્વારા રોડ, ઝાડી ઝાંખરાઓમાંથી પ્લાસ્ટિક એકત્ર કરી તમામ જગ્યાઓ અને આસપાસના સ્થળોને સ્વચ્છ કરવામાં આવ્યા હતા.
સરપંચ અને તલાટી દ્વારા ગ્રામ લોકોને સ્વચ્છતાનું મહત્વ સમજાવી, પ્લાસ્ટિકના ઉપયોગથી થતા રોગ વિશે જણાવી પ્લાસ્ટિકના બદલે કાપડ અને કાગળની થેલીઓ અને વિવિધ બનાવટોનો ઉપયોગ કરવા અપીલ કરી હતી. આ સાથે ગ્રામ વિસ્તારમાં સહજ પ્રાપ્ય એવા કેળ, ખાખરાના પાનની બનાવટોના વિકલ્પો વિશે પણ ગ્રામજનોને માહિતગાર કરવામાં આવ્યા હતા.
