હાલોલ:સ્મશાન આગળ ઊભેલી બોલેરો પિકઅપ ગાડીમા બાઇક ચાલક ભટકાતા સર્જાયો અક્સ્માત,યુવક ગંભીર રીતે ઈજાગ્રસ્ત થતાં વડોદરા રીફર કરાયો
રિપોર્ટર.કાદિર દાઢી.હાલોલ
તા.૬.૧૦.૨૦૨૪
હાલોલ ના સુથાર ફળિયામાં રહેતા અને પોલિકેબ કંપનીમાં નોકરી ઉપર થી છૂટી બાઇક લઈ ઘરે પરત ફરી રહેલા પરિણીત હાલોલ સ્મશાન આગળ ઉભેલી બોલેરો પીકઅપ માં ધડાકા ભેર ભટકાતા સર્જાયેલા અકસ્માત માં ઇજગ્રસ્ત ને સારવાર માટે હાલોલ રેફરલ હોસ્પિટલ માં ખસેડવામાં આવ્યો હતો,જ્યાં તેને પ્રાથમિક સારવાર આપી વધુ સારવાર માટે વડોદરા ખસેડવામાં આવ્યો છે.હાલોલના સુથાર ફળિયામાં રહેતા અને મૂળ સાવલી તાલુકાના ચોર્યાના મુવાડા ગામના મહેન્દ્રભાઈ દશરથભાઈ પરમાર આજે વડોદરા રોડ ઉપર આવેલી ખાનગી કંપની પોલિકેબ માં નોકરી ગયા હતા,બપોરે તેઓ નોકરી ઉપર થી છૂટી ને તેમની મોટરસાયકલ લઈ પરત હાલોલ માં આવતા સ્મશાનની સામે રોડની બાજુમાં ઉભેલી બોલેરો પીકઅપ ની પાછળ ધડાકા ભેર ભટકાતા અકસ્માત સર્જાયો હતો, સ્થળ ઉપર એકત્ર લોકોએ 108 એમ્બ્યુલન્સ ને વારંવાર ફોન કરવા છતાં 108 એમ્બ્યુલન્સ ન આવતા રિક્ષામાં ઇજગ્રસ્ત ને હાલોલ રેફરલ હોસ્પિટલ ખાતે લાવવામાં આવ્યો હતો.ઇજાગ્રસ્ત મહેન્દ્રભાઈ નો આજે પગાર જમા થયો હતો એટલે બપોરે તેઓ ને ઘરે કામ હોવાથી ઘરે આવી પરત નોકરી જવાના હતા, તેઓ હાલોલ માં પ્રવેશ્યા હતા ને જ મોટરસાયકલ બોલેરો ના ડાલા માં ભટકાતા તે ઇજાગ્રસ્ત થાયા હતા. ઇજાગ્રસ્ત ને મોઢામાં અને ડાબી આંખ ની ઉપર કપાળ માં ઊંધો ઘા પડેલો હોવાથી સર્જરી ની વધુ સારવાર ની જરૂરિયાત હોવાથી તેમને વડોદરા ખસેડવામાં આવ્યા છે.
