MORBI:મોરબી મહાનગરપાલિકાના અગ્નિશમન શાખા દ્વારા ૪ સ્કૂલમાં બાળકોને ફાયર પ્રિવેન્શનની ટ્રેનિંગ આપવામાં આવી
MORBI:મોરબી મહાનગરપાલિકાના અગ્નિશમન શાખા દ્વારા ૪ સ્કૂલમાં બાળકોને ફાયર પ્રિવેન્શનની ટ્રેનિંગ આપવામાં આવી
મોરબી મહાનગરપાલિકાના અગ્નિશમન શાખા દ્વારા તા. ૨૭/૦૮/૨૦૨૫ થી ૦૨/૦૯/૨૦૨૫સુધીમાં ૦૪ સ્કૂલ માં ૧૬૯૫ બાળકોને ફાયર પ્રિવેન્શનની ટ્રેનિંગ આપવામાં આવેલ. વધુ પ્રિવેન્શનના ભાગ રૂપે સમાજવાડી, કોમ્પ્લેક્ષ અને ઇન્ડસ્ટ્રીઝ જેવી બિલ્ડીંગઓનું ફાયર સેફટી સર્ટીફીકેટનું ચેકિંગ હાથ ધરવામાં આવ્યું અને સાથે ફાયર NOC ન ધરાવતા બિલ્ડીંગને નોટીસ આપવામાં આવી અને પ્રિવેન્શનને લગતી સૂચનો અને જરૂરી ગાઈડલાઈન પણ આપવામાં આવી. આમ આ ફાયર ટ્રેનિંગ અને ફાયર પ્રિવેન્શનનો મુખ્ય ઉદેશ્ય મોરબીના લોકોને ફાયર સેફટી વિષે માહિતગાર કરવા, ફાયર સાધનોનો યોગ્ય ઉપયોગ કરવા અને કોઈ પણ ઈમરજન્સી વખતે તાત્કાલિક ધોરણે અગ્નિશમન શાખાનો સંપર્ક કરી નાની-મોટી દુર્ઘટના અથવા કોઈ જાન-હાનિ કે પછી કોઈ મોટી આપદાને નિવારી શકાય અને જાન-માલને બચાવી શકાય.
અગાઉ અપાયેલ નોટીસના પગલે ૫૧ કોમ્પ્લેક્ષ અને ૧૯ સમાજવાડીમાં ફાયરની સીસ્ટમ લગાવેલ તથા કામગીરી ચાલુ કરેલ છે. આ વીકમાં ૦૭ ફાયર સેફટી પ્લાન અપ્રુવલ માટેની અરજી આવેલ જે આર.એફ.ઓ. કચેરી માં ફોરવર્ડ કરેલ છે.
જેલ રોડ પર આવેલ ગુરુકૃપા કોમ્પ્લેક્સને ફાયર સેફટી ના અભાવના કારણે ત્રણે નોટિસ તેમજ સીલિંગની નોટિસ ધ્યાને ન લેતા તા.૨૮/૦૮/૨૦૨૫ ના રોજ સીલ કરવામાં આવેલ હતું અને ત્યારબાદ ફાયર સિસ્ટમ ઇન્સ્ટોલેશનની કામગિરિ ચાલુ કરવા માટે તા.૦૧/૦૯/૨૦૨૫ ના રોજ સીલ ખોલવામાં આવેલ હતું.
તેમજ મોરબી જિલ્લામાં કુલ ચાર (૦૪) રેસ્ક્યુ કોલ આવેલ હતા જેમાં ફાયરના જવાનો દ્વારા આધુનિક રેસ્ક્યુના સાધનોઓ ઉપયોગ કરવામાં આવેલ છે. આવી કોઈ દુર્ઘટના થયે આપ મોરબી ફાયર એન્ડ ઈમરજન્સી સર્વિસ – (૦૨૮૨૨) ૨૩૦૦૫૦ અને ૧૦૧ તથા ૧૧૨ પર સંપર્ક કરી શકો છો.
