Delhi ના પૂર્વ CM કેજરીવાલ પર ફરી હુમલો કાર્યકરોએ ચખાડ્યો મેથીપાક
Delhi ના પૂર્વ CM કેજરીવાલ પર ફરી હુમલો ગ્રેટર કૈલાશ વિસ્તારમાં પદયાત્રા ફર્મીયા હુમલો સોશિયલ મીડિયામાં વાયરલ થયો Video દિલ્હી (Delhi)ના પૂર્વ CM અને આમ આદમી પાર્ટીના રાષ્ટ્રીય કન્વીનર અરવિંદ કેજરીવાલ પર હુમલો કરવામાં આવ્યો છે.
દિલ્હી (Delhi)ના પૂર્વ CM અને આમ આદમી પાર્ટીના રાષ્ટ્રીય કન્વીનર અરવિંદ કેજરીવાલ પર હુમલો કરવામાં આવ્યો છે. શનિવારે ગ્રેટર કૈલાશ વિસ્તારમાં તેમની પદયાત્રા દરમિયાન તેમના પર હુમલો કરવાનો પ્રયાસ કરવામાં આવ્યો હતો. એક વ્યક્તિએ તેમના પર પ્રવાહી ફેંકવાનો પ્રયાસ કર્યો, પરંતુ સુરક્ષા કર્મચારીઓ તરત જ એક્શનમાં આવ્યા અને વ્યક્તિને પકડી લીધો. જોકે આ ઘટનામાં કેજરીવાલને કોઈ ઈજા થઈ નથી. આ ઘટના એવા સમયે બની છે જ્યારે કેજરીવાલ દિલ્હી (Delhi) વિધાનસભા ચૂંટણીને લઈને સતત જનસંપર્ક કરી રહ્યા છે. વીડિયો ફૂટેજમાં જોવા મળે છે કે સુરક્ષાકર્મીઓએ શંકાસ્પદ વ્યક્તિને કાબૂમાં રાખ્યો હતો. અને તેને માર પણ માર્યો હતો. આ ઘટનાની સંપૂર્ણ વિગતો આવવાની બાકી છે.
આ પછી સુરક્ષાકર્મીઓએ આરોપીને વધુ પૂછપરછ માટે પોલીસને હવાલે કર્યો હતો. પોલીસ અધિકારીઓ અરવિંદ કેજરીવાલ પર આ પ્રકારના હુમલાની તપાસ કરી રહ્યા છે. તે જ સમયે, આ સમગ્ર મામલામાં કોઈના ઘાયલ થયાના સમાચાર નથી. જોકે, આ ઘટનાએ જાહેર પ્રચાર દરમિયાન પૂર્વ CM અરવિંદ કેજરીવાલની સુરક્ષાને લઈને ચિંતા વધારી છે. આ પહેલા પણ પૂર્વ CM પર ઘણા હુમલા થઈ ચૂક્યા છે.
અરવિંદ કેજરીવાલ પર આ હુમલો એવા સમયે કરવામાં આવ્યો છે જ્યારે તેઓ આગામી વિધાનસભા ચૂંટણી પહેલા જનતા સાથે જોડાવા માટે સતત પ્રયાસ કરી રહ્યા છે. અરવિંદ કેજરીવાલ દિલ્હી (Delhi)ના વિવિધ વિસ્તારોમાં પદયાત્રા કરી રહ્યા છે. આ દરમિયાન તેઓ દિલ્હી ના લોકોને મળી રહ્યા છે અને તેમની સમસ્યાઓ સાંભળી રહ્યા છે.
