વાત્સલ્યમ્ સમાચાર.
રિપોર્ટ :- રમેશ મહેશ્વરી – ભુજ કચ્છ.
ભુજ,તા-૨૮ નવેમ્બર : મતદારયાદી ખાસ સઘન સુધારણા કાર્યક્રમ -૨૦૨૬,તા.૨૫/૧૧/૨૦૨૫ ના રોજ કલેકટર કચેરી ખાતે જિલ્લા કક્ષાની કચ્છ જિલ્લાના માન્ય રાજકીય પક્ષો સાથેની ની બેઠક તથા ૬ વિધાનસભાના પ્રાંત અધિકારીની કક્ષાએ પણ માન્ય રાજકીય પક્ષો સાથે બેઠક યોજાઇ ભારતના ચૂંટણીપંચના આદેશ અનુસાર કચ્છ જિલ્લાના ૬ વિધાનસભા વિસ્તારમાં તા.૧/૧/૨૦૨૬ ની લાયકાતની તારીખના સંદર્ભમાં ખાસ સઘન સુધારણા કાર્યક્રમ (Special Intensive Revision-2026 ) જાહેર કરવામાં આવેલ છે. આ કાર્યક્રમ અંતર્ગત હાલમાં ગણતરીનો તબક્કો (Enumaration Form) ચાલી રહ્યો છે. ઉક્ત કામગીરી સુચારૂ રીતે સમયસર પૂર્ણ થાય તે આવશ્યક છે. જે સંદર્ભે અત્રેના જિલ્લામાં જિલ્લા ચૂંટણી અધિકારી અને કલેક્ટરશ્રી કચ્છના નેતૃત્વ અને માર્ગદર્શન હેઠળ કચ્છ જિલ્લામાં જિલ્લા કક્ષાએ તથા ૬ વિધાનસભાના પ્રાંત અધિકારીની કક્ષાએ પણ માન્ય રાજકીય પક્ષોની બેઠક યોજાઇ .
• જિલ્લા કક્ષાની બેઠકમાં હાલમાં ચાલી રહેલ મતદારયાદી સુધારણા કાર્યક્રમના વિવિધ તબક્કા વિશે સમજ આપવામાં આવી .ત્યાર બાદ ગણતરી ફોર્મ (Enumaration Form) વિષે સમજૂત કરવામાં આવ્યા અને ગણતરી ફોર્મ (Enumaration Form) ની Digitized ની વિધાનસભા વાઇજ કેટલી કામગીરી થયેલ છે અને હવે કેટલી બાકી છે તે બાબતની પણ જાણ કરવામાં આવી .
• માન્ય રાજકીય પક્ષોને BLA-1 અને BLA-2 ની નિમણૂક બાકી હોય તો તે પણ તાત્કાલિક પૂરી કરવા કહેવામાં આવ્યું .
• જિલ્લામાં સમાવિષ્ટ ૬ વિધાનસભા મતદાર વિભાગોમાં આવેલ જુદા જુદા સ્થળો ખાતે તા.૨૯/૧૧/૨૦૨૫ (શનિવાર) ના રોજ બપોરે ૧૨ કલાક થી સાંજે ૫ કલાક સુધી અને તા.૩૦ /૧૧/૨૦૨૫ (રવિવાર) ના રોજ સવારે ૧૦.૦૦ કલાક થી સાંજે ૫ .૦૦ કલાક સુધી ગણતરી ફોર્મ ભરીને (Enumaration Form) સદર કેમ્પ ખાતે જમા કરાવી શકશે.તે બાબત ની પણ જાણ કરવામાં આવી .
• સદર જિલ્લા કક્ષાની બેઠકમાં ભારતીય જનતા પાર્ટી ના પ્રતિનિધિ તરીકે શ્રી જયદીપસિંહ જાડેજા , ભારતીય રાષ્ટ્રીય કોંગ્રેસ ના પ્રતિનિધિ તરીકે શ્રી સહેજાદ સમા , આમ આદમી પાર્ટી ના પ્રતિનિધિ તરીકે શ્રી વનરાજસિંહ વાઘેલા અને બહુજન સમાજ પાર્ટી ના પ્રતિનિધિ તરીકે શ્રી આસિફ ખત્રી હાજર રહેલા હતા . જેથી કચ્છ જિલ્લાના નાગરીકોને મતદારયાદી સુધારણા કાર્યક્રમ દરમ્યાન Enumaration Form ભરવાનું બાકી હોય તો તાત્કાલિક ભરી દેવા જિલ્લા ચુંટણી અધિકારી અને કલેકટર, કચ્છ દ્વારા અપીલ કરવામાં આવે છે.
