વાત્સલ્યમ્ સમાચાર.
રિપોર્ટ :- રમેશ મહેશ્વરી – ભુજ કચ્છ.
ભુજ,તા-૦૮ ડિસેમ્બર : કચ્છ જિલ્લાના પ્રિન્ટ, ઇલેક્ટ્રોનિક મીડિયાના પત્રકાર ઓએ હેલ્થ કેમ્પમાં ઉત્સાહભેર ભાગ લીધો.
ગાંધીધામ ખાતે તા-૯-૧૨-૨૫.ના રોજ પત્રકારો માટે હેલ્થ કેમ્પ યોજાશે.
ગુજરાત સરકાર અને ગુજરાત રેડક્રોસના સંયુક્ત ઉપક્રમે આજરોજ ભુજના રેડક્રોસ ભવન ખાતે
પત્રકારો માટે હેલ્થ કેમ્પનું આયોજન કરવામાં આવ્યું હતું. રાજ્યના મુખ્યમંત્રી ભૂપેન્દ્ર પટેલના દિશા નિર્દર્શનમાં રાજ્યભરમાં પત્રકાર ઓ માટે હેલ્થ ચેકઅપ કેમ્પનું આયોજન કરવામાં આવી રહ્યું છે. જેના ભાગરૂપે આજરોજ રેડક્રોસ ભવન ભુજ ખાતેના હેલ્થ કેમ્પમાં બહોળી સંખ્યામાં પત્રકાર ઓએ ભાગ લઈને હેલ્થ ચેકઅપ કરાવ્યું હતું.આ હેલ્થ ચેકઅપ કેમ્પમાં બ્લડ ટેસ્ટ, એક્સ-રે, ઇસીજી સહિતના વિવિધ ટેસ્ટ વિનામૂલ્યે કરી આપવામાં આવ્યા હતાં. ભુજ ખાતે આયોજિત હેલ્થ કેમ્પનો પત્રકાર ઓ, ફોટોગ્રાફર ઓ અને માહિતી વિભાગના અધિકારીશ્રીઓ અને કર્મચારી ઓએ લાભ લીધો હતો. કચ્છ જિલ્લો વિસ્તારની દ્રષ્ટિએ ખૂબ જમોટો હોય તા. ૯ ડિસેમ્બર, ૨૦૨૫ના રોજ ગાંધીધામ રેડક્રોસ ભવન, ગાયત્રી મંદિર રોડ ખાતે પણ સવારે ૯.૦૦ કલાકથી હેલ્થ કેમ્પનું આયોજન કરવામાં આવ્યું છે. ગાંધીધામ ખાતે આયોજિત હેલ્થ કેમ્પમાં મોટી સંખ્યામાં પત્રકાર ઓને ભાગ લેવા માટે નાયબ માહિતી નિયામક ભુજ કચ્છ અને રેડક્રોસ સંસ્થા દ્વારા અનુરોધ કરવામાં આવ્યો છે.
ભુજ ખાતે આયોજિત હેલ્થ કેમ્પમાં જિલ્લા કલેક્ટર આનંદ પટેલનો વિશેષ સહયોગ પ્રાપ્ત થયો હતો.આ હેલ્થ કેમ્પમાં રેડક્રોસના ટ્રેઝરર સંજયભાઈ ઉપાધ્યાય, રેડક્રોસના સેક્રેટરી મિરા સાવલીયા, સીનિયર સબ એડિટર ગૌતમ પરમાર, જિલ્લા માહિતી કચેરીના સહાયક અધિક્ષક એસ.આઈ.કેવલ, તબીબ ટીમમાં સર્વેશ્રી જયંતિભાઇ, હર્ષિલભાઇ, જીતુભાઈ સુખડીયા, ઈસીજી ટેક્નિશીયન સુરેશ ચાવડા સહિત કચ્છના પ્રિન્ટ તેમજ ઈલેક્ટ્રોનિક મીડિયાના તંત્રી ઓ, પ્રતિનિધિઓ,કેમેરામેન, વીડિયોગ્રાફર ઓ અને જિલ્લા માહિતી કચેરી ભુજ કચ્છનો સ્ટાફ તેમજ રેડક્રોસ ભુજનો સ્ટાફ જોડાયો હતો.
