સુરેન્દ્રનગર જિલ્લા પોલીસવડાએ સમગ્ર ટીમ સાથે પોલીસ હેડ ક્વાર્ટર ખાતે ધૂળેટીની ઉજવણી કરાઈ
તા.05/03/2026/
બાવળિયા ઉમેશભાઇ સુરેન્દ્રનગર
સમગ્ર રાજ્યમાં જ્યારે હોળી ધૂળેટીના પર્વની ધામધૂમથી ઉજવણી કરવામાં આવી રહી છે ત્યારે જનતાની સુરક્ષા કાજે સતત ખડેપગે રહેતી સુરેન્દ્રનગર પોલીસ પણ આ ઉત્સવના રંગમાં રંગાઈ હતી ભારે સુરક્ષા વ્યવસ્થાની જવાબદારીઓ વચ્ચે પોલીસ પરિવારે ખુશીઓની એક હળવી ક્ષણ માણી હતી સુરેન્દ્રનગર જિલ્લા પોલીસ હેડ ક્વાર્ટર ખાતે ધૂળેટીના તહેવારની શાનદાર ઉજવણી કરવામાં આવી હતી આ પ્રસંગે જિલ્લા પોલીસ અધિક્ષક પ્રેમસુખ ડેલૂ ખાસ ઉપસ્થિત રહ્યા હતા તેમણે પોતાના વ્યસ્ત શિડ્યુલમાંથી સમય ફાળવીને પોલીસ અધિકારીઓ અને કર્મચારીઓ સાથે ગુલાલ અને રંગોથી હોળી રમી હતી પોલીસ વડાએ તમામ કર્મચારીઓને તહેવારની શુભકામનાઓ પાઠવતા જણાવ્યું હતું કે પોલીસ હંમેશા લોકોની રક્ષા માટે તહેવારોમાં પણ કાર્યરત હોય છે ત્યારે આવા આયોજનોથી કર્મચારીઓનો ઉત્સાહ વધે છે અને એક પારિવારિક માહોલ સર્જાય છે આ ઉજવણીમાં ઉચ્ચ પોલીસ અધિકારીઓથી લઈને કોન્સ્ટેબલ સુધીના તમામ કર્મચારીઓએ હર્ષોલ્લાસ સાથે સહભાગી બન્યા હતા રંગોના આ ઉત્સવે પોલીસ બેડામાં નવી ઉર્જા અને એકતાનો સંદેશ આપ્યો હતો.
