પાલનપુર ખાતે વડાપ્રધાનશ્રી નરેન્દ્રભાઇ મોદીની વચ્યુઅલ ઉપસ્થિતિમાં “લખપતિ દીદી યોજના ૨૦૨૪ કાર્યક્રમ” યોજાયો
25 ઓગસ્ટ વાત્સલ્યમ્ દૈનિક સમાચાર પાલનપુર બનાસકાંઠા જિલ્લા બ્યુરો
ધારાસભ્યશ્રી અનિકેતભાઈ ઠાકરની અધ્યક્ષતામાં બનાસકાંઠા જિલ્લાની બહેનોને કુલ ત્રણ કરોડ ચોર્યાશી લાખ તોતેર હજારની સહાય અપાઇ હતી.લખપતિ દીદી યોજનાથી મહિલાઓ આત્મ નિર્ભર બની પોતાના સપનાં સાકાર કરી શકશે તેમ ધારાસભ્યશ્રી અનિકેતભાઈ ઠાકરે જણાવ્યું હતું.મહિલાઓને આર્થિક રીતે સશક્ત બનાવવાના ઉદ્દેશ્ય સાથે કેન્દ્ર સરકાર દ્વારા “લખપતિ દીદી યોજના” ૨૦૨૩ માં શરૂ કરવામાં આવી હતી. આ યોજના હેઠળ મહિલાઓને રોજગારલક્ષી તાલીમ અને સ્વરોજગાર માટે ₹5,00,000 સુધીની વ્યાજમુક્ત લોન આપવામાં આવે છે. સરકારનો હેતુ ૨૦૨૫ સુધીમાં 3 કરોડ મહિલાઓને આર્થિક રીતે સધ્ધર બનાવવાનો છેઆ યોજનાના ભાગરૂપે વડાપ્રધાનશ્રી નરેન્દ્ર ભાઇ મોદીની વચ્યુઅલ ઉપસ્થિતિમાં ધારાસભ્યશ્રી અનિકેતભાઈ ઠાકરની અધ્યક્ષતા માં પાલનપુર ખાતે “લખપતિ દીદી યોજના ૨૦૨૪ કાર્યક્રમ” યોજાયો હતો. જેમાં કુલ ત્રણ કરોડ ચોર્યાશી લાખ તોતેર હજારની સહાય વડાપ્રધાનશ્રી નરેન્દ્રભાઇની વર્ચ્યુઅલ ઉપસ્થિતિમાં બનાસકાંઠા જિલ્લાની બહેનો આત્મનિર્ભર બને તે હેતુથી સહાય કરવામાં આવી હતી.જિલ્લા ગ્રામ વિકાસ એજન્સીના ઉપક્રમે નગરપાલિકા ટાઉનહોલ પાલનપુર ખાતે યોજાયેલા આ કાર્યક્રમમાં લખપતિ દીદી યોજના અન્વયે મહાનુભાવોના હસ્તે બનાસકાંઠા જિલ્લાના કુલ 100 સ્વસહાય જુથોને 29.6 લાખ રિવોલ્વીંગ ફંડની સહાય, 157 સ્વસહાય જુથોને કોમ્યુનીટી ઇન્વેસ્ટમેન્ટ ફંડ 227.10 લાખની સહાય, 265 સ્વસહાય જુથોને સ્ટાર્ટઅપ ફંડ 5.62 લાખની સહાય, 7 ગ્રામ સંગઠનોને સ્ટાર્ટઅપ ફંડ 3.75 લાખની સહાય, 6 કલસ્ટર લેવલ ફેડરેશનને સ્ટાર્ટઅપ ફંડ 21 લાખની સહાય, 52 સ્વસહાય જુથોને 97.66 લાખની સી.સી. લોન ધિરાણ સાથે કુલ ત્રણ કરોડ ચોર્યાશી લાખ તોતેર હજારની સહાય અને સન્માનપત્ર આપવામાં આવ્યા હતા. આ સહાય થકી મહિલાઓ આત્મનિર્ભર અને આર્થિક રીતે સશકત બની શકશે.આ કાર્યક્રમમાં જિલ્લા વિકાસ અધિકારીશ્રી એમ.જે દવે, જિલ્લા ગ્રામ વિકાસ એજન્સીના નિયામકશ્રી આર.આઇ.શેખ, જિલ્લા લાઇવલી હૂડ મિશન મેનેજરશ્રી તેજસ વ્યાસ, તાલુકા વિકાસ અધિકારીશ્રી ચંપકભાઈ લિંબાચિયા, અગ્રણીશ્રી અશ્વિન સક્સેના સ્વ સહાય જૂથના સભ્યશ્રીઓ સહિત મોટી સંખ્યામાં લાભાર્થી મહિલાઓ ઉપસ્થિત રહ્યા હતા.
