GUJARATKALOL(Panchamahal)PANCHMAHAL
૭૬ પ્રજાસત્તાક દિન નું રાષ્ટ્રીય પર્વ ખૂબ હર્ષ અને ગૌરવપૂર્ણ રીતે કાલોલ તાલુકાના બોરુ ગામમાં ઉજવાયો.
તારીખ ૨૬/૦૧/૨૦૨૫
સાજીદ વાઘેલા કાલોલ
૨૬મી જાન્યુઆરી પ્રજાસત્તાક દિન ૨૦૨૫ જે ગણતંત્ર દિવસ તરીકે રાષ્ટ્રીય તહેવાર ભારતમાં હર્ષ અને ગૌરવભેર ઉજવવામાં આવે છે.આ વર્ષે આપણે ‘આઝાદીકા અમૃત મહોત્સવ”ની ઉજવણી પણ કરી રહ્યા છીએ.ત્યારે આ વખતનો પ્રજાસત્તાક દિન નું રાષ્ટ્રીય પર્વ ખૂબ હર્ષ અને ગૌરવપૂર્ણ રીતે ‘દિકરીની સલામ દેશને નામ ‘ થીમ ઉપર વિશેષ રીતે બોરુ પ્રાથમિક શાળામાં ઉજવાયો. તે અંતર્ગત ગામની સૌથી વધુ ભણેલી દિકરી શીતલબેન કનુભાઈ વણકરના હસ્તે ધ્વજ વંદન કરાવવામાં આવેલ . તેમજ વર્ષ દરમ્યાન જન્મેલી દિકરીઓને તેમનાં માતપિતા સહ આમંત્રિત કરી પ્રમાણપત્ર દ્વારા સન્માનીત કરી,સમાજમાં દિકરીઓના જન્મ ને ગૌરવપૂર્ણ સ્થાન આપવામાં આવે તેવો પ્રેરક સંદેશ મુખ્ય શિક્ષક ગૌરાંગ જોશી દ્વારા ઉપસ્થિત નાગરિક ગણને આપવામાં આવ્યો હતો.