બીજા એડિશનલ ડિસ્ટ્રીકટ જજની કોર્ટ નવસારી આહવા ડાંગ દ્વારા અધિકારીઓ વિરુદ્ધમાં દાખલારૂપ ચુકાદો અપાયો…

વાત્સલ્યમ સમાચાર
મદન વૈષ્ણવ ડાંગ

એડિશનલ ડિસ્ટ્રીકટ જજની કોર્ટ આહવા નવસારી દ્વારા આહવાનાં આયોજન સહ તાલુકા વિકાસ અધિકારી તથા નિયામક જિલ્લા ગ્રામ વિકાસ એજન્સી ડાંગનાઓને શિવકૃપા ટ્રેડર્સનાં પ્રોપાઈટરને સિમેન્ટનાં બાકી 25,23,180 રૂપિયા 9 ટકા ચડતા વ્યાજ સાથે ચૂકવવાનો આદેશ કર્યો… પ્રાપ્ત વિગતો અનુસાર ડાંગ જિલ્લાનાં આહવા ખાતે રહેતા ગિરીશભાઈ ગોરધનભાઈ મોદી શિવકૃપા ટ્રેડર્સનાં નામે સિમેન્ટ, પેઈન્ટસ,નળીયા, પી.વી.સી પાઈપ,પાણીની ટાંકી સહિત છૂટક તથા જથ્થા બંધ વેપાર કરતા આવેલ છે.જે તે સમયે આયોજન સહ તાલુકા વિકાસ અધિકારી આહવા અને જિલ્લા ગ્રામ વિકાસ એજન્સી આહવા ડાંગનાઓએ શિવકૃપા ટ્રેડર્સનાં પ્રોપાઈટરને મનરેગા યોજના અંતર્ગત સત્તાઓ આપી કામગીરી સોંપવામાં આવી હતી.જેથી વર્ષ 2010-11માં તાલુકા કક્ષાનાં તથા ગ્રામ્ય કક્ષાનાં કામો પુરા કરવા માટે વાદી પાસે સિમેન્ટનો જથ્થો ખરીદવાનો પ્રસ્તાવ મૂકી કામ પૂર્ણ થયેથી રકમ ચૂકવી દેવા જણાવ્યુ હતુ.જેથી વાદીએ તાલુકા કક્ષાએ 5,000 સિમેન્ટની બેગો જેની કિંમત 10,50,000/-તથા ગ્રામ્યકક્ષાએ 6883 સિમેન્ટની બેગો જેની કિંમત 14,73,180 મળી કુલ 25,23,180નો માલ ઉધાર આપેલ હતો.જેના કામો પુરા થઈ જતા વાદીએ બિલો મોકલી આપ્યા હોવા છતાંય આજદિન સુધીમાં પ્રતિવાદીઓમાં આયોજન સહ તાલુકા વિકાસ અધિકારી અને જિલ્લા ગ્રામ વિકાસ એજન્સી ડાંગ દ્વારા ચુકવણુ કરવામાં આવેલ નથી.જે કેસ બીજા એડિશનલ ડિસ્ટ્રીકટ જજની કોર્ટ નવસારી આહવાનાં વિદ્વાન ન્યાયાધીશ એ.એમ.મેમન પાસે ચાલી જતા પ્રતિવાદીઓને શિવકૃપા ટ્રેડર્સનાં પ્રોપાઈટરને સિમેન્ટનાં જથ્થાની કુલ રકમ 25,23,180 જે 9 ટકાનાં ચડતા વ્યાજ સાથે દાવાનાં તારીખથી વસુલ થતા સુધી ચૂકવી આપવાનો દાખલારૂપ ચુકાદો આપ્યો છે…