પીપદરા પ્રાથમિક શાળા ખાતે કન્યા કેળવણી મહોત્સવ અને શાળા પ્રવેશોત્સવની ઉજવણી પ્રકાશભાઈ દેસાઈની અધ્યક્ષસ્થાને કરાઈ 
ભરૂચ જીલ્લાના ઝઘડિયા તાલુકાના પીપદરા પ્રાથમિક શાળા ખાતે કન્યા કેળવણી મહોત્સવ અને શાળા પ્રવેશોત્સવની ઉજવણી ભરૂચ જિલ્લા દૂધધારા ડેરીના ડિરેક્ટર અને ઝઘડિયા તાલુકા પંચાયતના પૂર્વ ઉપ પ્રમુખ પ્રકાશ દેસાઈની અધ્યક્ષસ્થાને કરવામાં આવી હતી આ કાર્યક્રમની શરૂઆત દીપ પ્રાગટ્ય તેમજ પ્રાર્થના કરી કરવામાં આવી હતી ત્યારબાદ ઉપસ્થિત મહેમાનોનું શાળા પરિવાર તરફથી પુષ્પગુચ્છ આપી સન્માન કરવામાં આવ્યું હતું. આ કાર્યક્રમમાં પ્રકાશ ભાઈ દેસાઈ દ્વારા ઉપસ્થિત બાળકોને શિક્ષણ વિશે માહિતી આપી હતી.શાળાના તમામ બાળકોને ગામના સખી દાતા હર્ષ ભાઈ ભદ્રેશભાઈ પટેલ દ્વારા યુનિફોમ ર્વિતરણ કરવામાં આવ્યું
આ પ્રસંગે ડાયેટ લાઈજન અધિકારી ઝઘડીયા ભાભોર સાહેબ,દિનેશ સોલંકી રૂટ લાઈજન અધિકારી ગ્રુપ આચાર્ય ભાલોદ, શાળા ના આચાર્ય સેતલ પટેલ તેમજ શાળાના શિક્ષકગણ ઉપસ્થિત રહી સમગ્ર કાર્યક્રમને સફળ બનાવ્યો હતો. કાર્યક્રમના અંતમાં રૂટ લાઈજન અધિકારી દિનેશ સોલંકી દ્વારા શાળામાં બાળકોને યુનિફોર્મ આપનાર હર્ષ પટેલ અને મેહમાનો નો આભાર વ્યક્ત કર્યો હતો
