MORBI:મોરબી શહેર નાં મહારાણા પ્રતાપ સર્કલ પાસે કારે હડફેટે લેતા માસુમ બાળકીનુ મોત!
MORBI:મોરબી શહેર નાં મહારાણા પ્રતાપ સર્કલ પાસે કારે હડફેટે લેતા માસુમ બાળકીનુ મોત!
રીપોર્ટ:- શ્રીકાંત પટેલ-મોરબી મોરબી શહેર નાં મહારાણા પ્રતાપ સર્કલ નજીક રોડ પર કાર ચાલકે એક વર્ષની માસૂમ બાળકીને હડફેટે લેતા ગંભીર ઈજાઓ પહોંચતા બાળકીનું મોત નિપજ્યું હોવાનું પોલીસ દફતરે નોંધાયું છે.
પ્રાપ્ત થયેલી વિગત મુજબ મુળ રાજસ્થાન નાં વતની અને હાલ મોરબીના મહારાણા પ્રતાપ સર્કલ પાસે રહીને છૂટક મજૂરી કરતા કાલુરામ સીતારામ બાવરીયા (ઉ.વ.૩૫) એ આરોપી કાર નંબર-જીજે-૩૬-એ.એલ.-૮૧૬૯ નાં ચાલક વિરુદ્ધ મોરબી શહેર બી ડિવિઝન પોલીસ સ્ટેશનમાં ફરીયાદ નોંધાવતા જણાવ્યું છે કે આરોપી પોતાના હવાલાવાળી કાર નંબર-જીજે-૩૬-એ.એલ- ૮૧૬૯ વાળી પુરઝડપે અને બેફીકરાઇથી માણસોની જીદગી જોખમાય તે રીતે ચલાવી નીકળતા ફરીયાદીની દિકરી દિવ્યા ઉ.વ ૧ વર્ષ વાળીને હડફેટે લઇ શરીરે ગંભીર ઇજાઓ પોહચાડતા સારવાર દરમ્યાન બાળકીનું મોત નિપજ્યું હતું જ્યારે આરોપી કાર ચાલક અકસ્માત સર્જી પોતાની કાર ચલાવી નાશી ગયો હોવાની ફરીયાદ નોંધાવતા પોલીસે ગુન્હો નોંધીને વધુ તપાસ હાથ ધરી છે.
